Didim

Didim (grekcha: Δίδυμα), Ioniya sohilida joylashgan qadimgi yunon muqaddas maskanidir. Bu joy Apollon ibodatxonasini o’z ichiga oladi. Delfidan tashqari, Didim ellin olamidagi eng mashhur bashorat markazlaridan biridir. Ilk bor Homerning Apollon haqidagi madhiyasida eslab o’tilgan. Uning tashkil topishi yozuv paydo bo’lishidan oldingi davrlarga, hattoki Ioniya hududining ellinlar tomonidan kolonizatsiya qilinishidan ham oldingi zamonlarga borib taqaladi.Apollon, shuningdek, Didimayion deb ham ataladigan Didim muqaddas maskanining bosh xudosi edi. Didimayion o’zining mashhur bashorat markazi ekanligi tufayli antik davrda juda yaxshi tanilgan edi. Apollonning ushbu bashorat markazi dunyodagi eng yirik Apollon ibodatxonalaridan birining ichida joylashgan bo’lib, hozir ham shunday saqlanib qolgan. Ushbu ellinistik ibodatxonaning qoldiqlari klassik antik davrning eng yaxshi saqlanib qolgan inshootlaridan biridir. Ushbu ibodatxonadan tashqari, muqaddas hudud ichida yaqinda qaytadan kashf etilgan boshqa binolar ham mavjud bo’lib, ulardan ikkitasi yunon teatri va yuqorida tilga olingan ellinistik Artemis ibodatxonasining poydevorlaridir.